Asia Media Cooperation Conference, idinaos; papel at kooperasyon ng media, pinahahalagahan

2019-03-29 19:19:20 CRI

Idinaos ngayong araw sa Boao, Hainan, lalawigan sa dakong timog ng Tsina, ang Asia Media Cooperation Conference, sa sidelines ng 2019 Taunang Pulong ng Boao Forum for Asia (BFA).

Ang mga kinatawan ng mga media outlets mula sa aabot sa 20 bansang Asyano ay nagbahagi ng kani-kanilang pananaw at praktika hinggil sa papel ng media sa pandaigdig na pangangasiwa at kooperasyon sa panahon ng omnimedia. Dumalo sa pulong si Carlo Jose Magno Villo, Deputy Director General ng Philippine Broadcasting Service (PBS).

Sa roundtable discussion, bumigkas ng keynote speech si Guo Weimin, Pangalawang Ministro ng Tanggapan ng Impormasyon ng Konseho ng Estado ng Tsina. Saad ni Guo, ang mga bagong teknolohiya na gaya ng AI at 5G ay nagdudulot ng rebolusyonaryong pagbabago sa media landscape.

Si Guo Weimin

Sinabi naman ni Yan Xiaoming, Pangalawang Presidente ng China Media Group (CMG), na sa panahon ng mga bagong teknolohiya, kailangang kailangang palakasin ng mga bansang Asyano ang tinig sa pandaigdig na entablado para makatugma sa kanilang kakayahang pangkabuhayan.

Si Yan Xiaoming

Sa kanyang talumpati, isinalaysay ni Villo ang hinggil sa isinasagawang pagsasaayos at pagpapalakas ng takbo ng mga istasyon ng PBS, sa panahon ng pagbabago na pinasimulan ni Pangulong Rodrigo Roa Duterte. Pinasalamatan niya ang Tsina sa pagbibigay-tulong sa gawaing ito ng PBS.

Nanawagan din siya para sa pagpapalakas ng kooperasyon ng mga Asian media sa pamamagitan ng pagbabahagi ng mga balita, pagsasagawa ng magkakasanib na panayam, pagpapasulong ng komong pag-unlad, at iba pa.

Si Carlo Jose Magno Villo

Ang Asia Media Cooperation Conference ay nasa magkakasamang pagtataguyod ng China Media Group, Sekretaryat ng Boao Forum for Asia, at China Public Diplomacy Association.

Salin/Ulat: Jade/Frank
Larawan: Li Jin/Vera
Pulido: Mac

Balita:
Tsina ASEAN Daigdig Litrato
Ugnayang Pinoy:
Beijing Shanghai Guangzhou Tianjin Shenyang Shijiazhuang Tips Community Billboard
Tsina sa Aming Mata:
Sine Tsino Pop China Gabi ng Musika Cooking Show Tsina mula sa Likod ng Aking Kamera MaArte Ako
Usap-usapan Ngayon sa Tsina Pag-usapan Natin
Pag-aaral ng Wikang Tsino:
Pag-aaral ng Wikang Tsino