CRI Komentaryo: Pagtatatag ng Pandagat na Komunidad na May Pinagbabahaginang Kinabukasan, iminungkahi ng Tsina

2019-04-24 09:54:00 CRI

Iminungkahi ni Pangulong Xi Jinping ng Tsina sa iba't ibang bansa na magkakasamang magsikap para mapangalagaan ang kapayapaang pandagat at itatag ang Pandagat na Komunidad na May Pinagbabahaginang Kinabukasan.

Si Pangulong Xi, kasama ng mga punauhing dayuhang lumahok sa selebrasyon

Iniharap ng pangulong Tsino ang nasabing mungkahi sa kanyang pakikipagtagpo nitong Martes, Abril 23, sa mga puno ng delegasyon mula sa 61 bansang dayuhan na lumahok sa pagdiriwang sa ika-70 anibersaryo ng pagkakatatag ng hukbong pandagat ng People's Liberation Army (PLA) ng Tsina, na ginanap sa Qingdao, baybaying lunsod sa dakong silangan ng Tsina.

Diin ni Xi, ang planetang mundo ng sangkatauhan ay hindi pinaghihiwalay sa mga isla, sa halip, pinag-uugnay ito sa pamamagitan ng mga karagatan at bumuo sa komunidad na may pinagbabahaginang kinabukasan. Patuloy aniyang mananangan ang hukbong pandagat ng Tsina sa patakaran at hakbang depensibo, sa halip ng opensibo at paiiralin ang bagong kaisipan ng komprehensibo, kooperatibo at sustenableng katatagan. Nakahanda aniya ang hukbong Tsino na magsikap, kasama ng mga counterpart na dayuhan para matiyak na ang lahat ng mga bansa sa daigdig ay maaaring magtamasa ng benepisyong dulot ng pandagat na kaunlaran at kasaganaan.

Aabot sa 20 sasakyang pandagat mula sa 13 bansang dayuhan na kinabibilangan ng Pilipinas, India, Hapon, Rusya, Thailand, Vietnam, Malaysia, Brunei, Singapore, Australia, Myanmar, Bangladesh, at Timog Korea ang nakilahok din sa parada ng hukbong pandagat ng Tsina. Kabilang sa mga ito ay Akizuki-class destroyer na Suzutsuki ng Hapon. Ayon sa Kyodo News agency, ang pakikilahok ng delegasyong Hapones sa selebrasyon ng hukbong pandagat ng Tsina ay bahagi ng pagsisikap para mapalakas ang tiwala sa pagpapalitang pandepensa.

Nitong 70 taong nakalipas, kasabay ng pagpapataas ng kakayahan ng sarili, aktibo rin ang hukbong pandagat ng Tsina sa pagtupad sa tungkulin para maprotektahan ang kaligtasan ng pandaigdigang katubigan, at magkaloob ng pandagat na ayudang medikal. Hanggang ngayon, 32 escort formation, 103 sasakyan, 69 helikopter, at mahigit 27,000 opisyal militar at sundalo ang naipadala ng hukbong pandagat ng Tsina para kombuyin ang 6,600 sasakyang pandagat na Tsino at dayuhan. Nitong sampung taong nakalipas, aabot sa 43 bansa't rehiyon ang dinalaw ng Peace Ark hospital ship ng hukbong pandagat ng Tsina, at mahigit 230,000 serbisyong medikal ang naipagkaloob ng bapor.

Salin: Jade 
Pulido: Rhio

Balita:
Tsina ASEAN Daigdig Litrato
Ugnayang Pinoy:
Beijing Shanghai Guangzhou Tianjin Shenyang Shijiazhuang Tips Community Billboard
Tsina sa Aming Mata:
Sine Tsino Pop China Gabi ng Musika Cooking Show Tsina mula sa Likod ng Aking Kamera MaArte Ako
Usap-usapan Ngayon sa Tsina Pag-usapan Natin
Pag-aaral ng Wikang Tsino:
Pag-aaral ng Wikang Tsino