Pangulong Duterte, nagpasalamat sa pagpapalaya sa hostage

2016-09-19 18:49:54

NAGPASALAMAT si Pangulong Rodrigo Duterte sa lahat ng tumulong upang mapalaya si Kjartan Sekkingstad sa kamay ng mga Abu Sayyaf. Magugunitang pinalaya ang hostage noong Sabado ng hapon sa Patikul, Sulu.

Ani Pangulong Duterte, pinasasalamatan niya sina Nur Misuari, founding chair ng Moro National Liberation Front, si dating Sulu Governor Sakur Tan at si Presidential Adviser Jesus Dureza.

Nagkita na sina Pangulong Duterte at si Kjartan sa Davao City matapos samahan ni Secretary Dureza mula sa Jolo. Natulog noong Sabado si Kjartan sa tahanan ni Nur Misuari sa Barangay Kagay. Malakas umano ang ulan kaya't doon na muna nagpalipas ng gabi.

Nagpasalamat ang bihag kay Pangulong Duterte. Naganap ang pagpapalaya matapos ang tahimik na negosasyon at nagbunga sa tulong ng iba't ibang sektor.

Kasama si Kjartan ng tatlong iba pa ng dukutin ng Abu Sayyaf sa isang resort sa Samal Island noong ika-15 ng Setyembre 2015. Kasama niya siyan John Ridsdel at Robert Hall na kapwa pinugutan ng Abu Sayyaf samantalang pinalaya naman si Marites Flor may tatlong buwan na ang nakalilipas. Dumalo rin sa seremonya si Norwegian Ambassador Erik Forner.

(May tatlong Indones na pinalaya rin ng Abu Sayyaf at naipagkaloob na sa kinatawan ng Indonesian Embassy noong Sabado. Nakabalik na sa kanilang bansa ang mga nabihag ng Abu Sayyaf.)

Kalendaryo

Balita:
Tsina ASEAN Daigdig Litrato
Ugnayang Pinoy:
Beijing Shanghai Guangzhou Tianjin Shenyang Shijiazhuang Tips Community Billboard
Tsina sa Aming Mata:
Sine Tsino Pop China Gabi ng Musika Cooking Show Tsina mula sa Likod ng Aking Kamera MaArte Ako
Usap-usapan Ngayon sa Tsina Pag-usapan Natin
Pag-aaral ng Wikang Tsino:
Pag-aaral ng Wikang Tsino