May sapat na bigas sa mga binagyong pook

2016-10-20 18:57:22

TINIYAK ni Tomas R. Escarez, officer-in-charge ng National Food Authority na may sapat na bigas na nakaimbak sa mga bodega sa buong bansa upang tumugon sa mga pangangailangan ng madla.

Idinagdag pa ni G. Escarez na may koordinasyon na sila sa Department of Social Welfare and Development, Regional and Provincial Disaster Risk Reduction Management Council, mga pamahalaang lokal, Philippine Red Cross at iba pa.

Handa ang NFA na maglabas ng bigas sa mga nangangailangang mga ahensya. May ipinatutupad na kasunduan ang NFA sa mga relief agencies upang makakuha sila ng bigas sa NFA sa oras ng kagipitan.

Tumama ang malakas na bagyo sa katimugang bahagi ng Cagayan kanina. Pinakilos na rin ang mga tauhan sa pagmomonitor ng mga pangangailangan ng mamamayan. Mayroon silang Operations Center na may mga tao at opisyal upang tumulong sa mga biktima ng bagyo.

Binabantayan din nila ang galaw ng presyo ng mga bilihin upang maiwasan ang biglaang pagtaas ng presyo sa pamilihan.

Kalendaryo

Balita:
Tsina ASEAN Daigdig Litrato
Ugnayang Pinoy:
Beijing Shanghai Guangzhou Tianjin Shenyang Shijiazhuang Tips Community Billboard
Tsina sa Aming Mata:
Sine Tsino Pop China Gabi ng Musika Cooking Show Tsina mula sa Likod ng Aking Kamera MaArte Ako
Usap-usapan Ngayon sa Tsina Pag-usapan Natin
Pag-aaral ng Wikang Tsino:
Pag-aaral ng Wikang Tsino