Northern Luzon Command, nagpadala ng barkong Alcaraz sa Benham Rise

2017-03-24 18:37:20

IPINADALA na ng Armed Forces of the Philippines Northern Luzon Command (AFP-NOLCOM) ang barkong Alcaraz sa Benham Rise upang magpatrolya.

Ang Barko ng Republika ng Pilipinas (BRP) Alcaraz ang isa sa mga barkong pandigma ng Pilipinas. Isasama na sa ruta ang pagpapatrolya sa Benham Rise na kamakailan ay nabalitang dinadalaw ng mga barko ng Tsina.

Ayon kay Major Bonifacio Arceda, tagapagsalita ng NOLCOM, nagsimula na ang patrolya noong nakalipas na Biyernes, ika-17 ng Marso. May 13 milyong ektarya ng karagatan ang saklaw ng Benham Rise.

Nabanggit na ni Defense Secretary Delfin Lorenzana na magpapatrolya na ang Hukbong Dagat ng Pilipinas sa Benham Rise. Hindi magtatagal ay magsasagawa ng survey ang Philippine Navy at aalamin ang hangganan nito, ang lalim at ang mga batuhan sa ilalim ng dagat.

Kasama sa kanilang regular na patrolya ang Cagayan, Maconacon sa Isabela at Itbayat at Basco sa Batanes.


Kalendaryo

Balita:
Tsina ASEAN Daigdig Litrato
Ugnayang Pinoy:
Beijing Shanghai Guangzhou Tianjin Shenyang Shijiazhuang Tips Community Billboard
Tsina sa Aming Mata:
Sine Tsino Pop China Gabi ng Musika Cooking Show Tsina mula sa Likod ng Aking Kamera MaArte Ako
Usap-usapan Ngayon sa Tsina Pag-usapan Natin
Pag-aaral ng Wikang Tsino:
Pag-aaral ng Wikang Tsino