Impeachment complaint laban kay Chairman Bautista, ibinasura

2017-09-20 18:00:39

TAPOS na ang impeachment complaint laban kay Comelec Chairman Andres Bautista. Naganap ito matapos bumuto ang 26 na kasapi ng Justice Committee laban sa kahilingan ni Deputy Speaker Gwen Garcia na kilalanin ang reklamo laban sa opisyal ng Comelec na sapat sa pagkakahanda o sufficient in form. Nagmula ang reklamo kina dating Negros Oriental Congressman Jacinto Paras at Atty. Ferdinand Topacio. Dalawa ang sumang-ayon sa kahilingan ni Congresswoman Garcia.

Sa pagdinig, sinabi ni Albay Congessman Edcel Lagman na kinontra niya ang mosyon at napunang magkakahalintulad ang reklamo laban kay G. Bautista nina Dante Jimenez at Atty. Eligio Mallari laban kay Chief Justice Maria Lourdes Sereno.

Ibinasura din ang reklamo nina Mallari at Jimenez laban kay Chief Justice Sereno.

Idinagdag ni Congressman Lagman na kung ang reklamo ni G. Jimenez ay insufficient in form, ito rin ang nararapat na desisyon sa reklamo nina G. Paras at Topacio.

Sa pagbabasura ng reklamo, walang tatanggaping impeachment complaint laban kay Chairman Bautista hanggang sumapit ang ikapito ng Setyembre 2018.

Kalendaryo

Balita:
Tsina ASEAN Daigdig Litrato
Ugnayang Pinoy:
Beijing Shanghai Guangzhou Tianjin Shenyang Shijiazhuang Tips Community Billboard
Tsina sa Aming Mata:
Sine Tsino Pop China Gabi ng Musika Cooking Show Tsina mula sa Likod ng Aking Kamera MaArte Ako
Usap-usapan Ngayon sa Tsina Pag-usapan Natin
Pag-aaral ng Wikang Tsino:
Pag-aaral ng Wikang Tsino