Tuna, mahalaga sa Pilipinas

2017-12-05 11:43:53

TULAD ng iba't ibang bansa sa Western at Central Pacific, mahalaga ang tuna para sa Pilipinas. Ito ang sinabi ni Agriculture Secretary Emmanuel Pinol sa kanyang talumpati sa pagbubukas ng ika-14 na regular session ng Western and Central Pacific Fisheries Commission sa Philippine International Convention Center.

Umabot sa 1.5 percent ng Gross Domestic Product ng Pilipinas ang nagmula sa pangisdaan sa kasalukuyang halaga nito. Ang tuna ang nangungunang export commodity na umabot sa 104,984 metric tons para sa mga sariwa, elado, may yelo, tinapa, tuyong isda at de lata na nagkakahalaga ng US$ 296 milyon.

Suportado rin ng Pilipinas ang mga programa ng fisheries commission tulad ng pagtatala ng mga huling isda. Ang mga memorandum ng fisheries commission ay suportado ng mga kautusang mula sa Bureau of Fisheries and Aquatic Resources, isang tanggapang saklaw ng Department of Agriculture.

Idineklara na rin ng Pilipinas ang Philippine Rise bilang isang Protected Food Supply Exclusive Economic Zone sa lawak na 24.4 milyong ektarya na dinaraanan ng iba't ibang isda, tulad ng blue fin tuna.

Dumadalo sa pagpupulong ang may 26 na kasaping bansa, pitong participating territories at pitong cooperating non-members mula sa Western and Central Pacific Region. Magtatapos ang pulong sa darating na Huwebes.

Kalendaryo

Balita:
Tsina ASEAN Daigdig Litrato
Ugnayang Pinoy:
Beijing Shanghai Guangzhou Tianjin Shenyang Shijiazhuang Tips Community Billboard
Tsina sa Aming Mata:
Sine Tsino Pop China Gabi ng Musika Cooking Show Tsina mula sa Likod ng Aking Kamera MaArte Ako
Usap-usapan Ngayon sa Tsina Pag-usapan Natin
Pag-aaral ng Wikang Tsino:
Pag-aaral ng Wikang Tsino