Dalawampu katao, nasawi sa sakuna sa La Union

2017-12-26 18:25:50 CRI

MAY 20 katao ang nasawi sa isang sakunang naganap kaninang ikatlo at kalahati ng umaga sa Barangay San Jose sa Agoo, La Union. May sampu katao pa ang sugatan at isinugod sa mga pagamutan. Naganap ang sakuna may 200 kilometro o 125 milya sa hilaga ng Maynila.

Sa isang panayam sa pamamagitan ng telepono kay Sr. Supt. Rogelio Samson, provincial police director ng La Union, may 29 na pasahero ang jeep nang rumagasa ito sa kabilang panig ng lansangan at bumangga sa isang paparating na Partas bus. Siyam na pasahero ng jeep ang malubhang nasugatan.

Ayon kay G. Samson, ginagawa pa nila ang kaukulang pagsisiyasat subalit nakita na sa kinalalagyan ng jeepney na lumampas ito sa kanyang sariling linya kaya bumangga sa bus. Hindi na umano pakikinabangan pa ang jeepney.

Kabilang sa mga nasawi ang ilang mga bata at isang sanggol at nakatakdang dumalo sa isang Misa sa Our Lady of Manaoag Shrine sa Pangasinan ng maganap ang sakuna.

Balita:
Tsina ASEAN Daigdig Litrato
Ugnayang Pinoy:
Beijing Shanghai Guangzhou Tianjin Shenyang Shijiazhuang Tips Community Billboard
Tsina sa Aming Mata:
Sine Tsino Pop China Gabi ng Musika Cooking Show Tsina mula sa Likod ng Aking Kamera MaArte Ako
Usap-usapan Ngayon sa Tsina Pag-usapan Natin
Pag-aaral ng Wikang Tsino:
Pag-aaral ng Wikang Tsino