Hindi pa humuhupa ang panganib mula sa bulkang Mayon

2018-02-05 17:02:47

KAHIT pa bumaba ang sulfur dioxide gas na ibinubuga ng bulkang Mayon, naroon pa rin ang panganib. Hindi pa rin humuhupa ang eruptive stage ng bulkan.

Ito ang sinabi ni Ed Laguerta, resident volcanologist sa Lignon Hill Observatory sa isang press briefing kanina. Ayon kay G. Laguerta, umabot na lamang sa 1,583 toneladang sulfur dioxide ang ibinuga ng bulkan at wala na sa kalahati ng inilabas na 3,066 na tonelada noong nakalipas na Huwebes. Nangangahulugan lamang itong walang umaakyat na kumukulong putik patungo sa bibig ng bulkan.

Ito ang napupuna ng mga dalubhasa sa nakalipas na tatlong araw at 'di pa umano sapat upang sabihing nababawasan na ang panganib na maidudulot ng bulkan. Kailangang magpatuloy ang ganitong kalakaran sa loob ng isang linggo upang masabing walang bagong kumukulong putik na papalapit na naman sa bibig ng bulkan.

Sa panig ni Science and Technology Undersecretary Renato U. Solidum, Jr., hindi pa nangangahulugan ang pagbaba ng sulfur dioxide output na bumabalik na sa normal ang pinaka-aktibong bulkan sa Pilipinas.

Balita:
Tsina ASEAN Daigdig Litrato
Ugnayang Pinoy:
Beijing Shanghai Guangzhou Tianjin Shenyang Shijiazhuang Tips Community Billboard
Tsina sa Aming Mata:
Sine Tsino Pop China Gabi ng Musika Cooking Show Tsina mula sa Likod ng Aking Kamera MaArte Ako
Usap-usapan Ngayon sa Tsina Pag-usapan Natin
Pag-aaral ng Wikang Tsino:
Pag-aaral ng Wikang Tsino