Suporta para sa kita ng mga mamamayan, kailangan

2018-05-04 19:18:23

SINABI ni G. Takehiko Nakao, pangulo ng Asian Development Bank, na kailangang suportahan ang kita ng mga mamamayan sa rehiyon. Sa press conference na idinaos sa punong tanggapan ng ADB sa silangang bahagi ng Metro Manila, sinabi ni G. Nakao na pinag-usapan na nila ang mga paraan upang magkaroon ng mas maraming hanapbuhay.

Kahit pa mayroong automation at artificial intelligence na magagamit ng mga pamahalaan at mga kumpanya, hindi ito magaganap sapagkat napakamahal ng mga ito.

Kailangang suportahan ang mga mamamayan sapagkat posibleng mawalan sila ng trabaho kung hindi sila magkakaroon ng angkop na pagsasanay upang makatugon sa pangangailangan ng panahon at pamilihan.

Sa pagkakaroon ng makabagong teknolohiya, higit na lumalaki ang agwat sa lipunan. Kailangang magkaroon ng progresibong kalakaran sa pagbubuwis.

Nagsimula ang ika-51 taunang pagpupulong ng mga opisyal ng Asian Development Bank kanina at magtatapos sa darating na Sabado, ika-lima ng Mayo. Higit sa 4,000 mga panauhin ang inaasahang makjadadalo sa maraming okasyon at pagpupulong sa paligid ng Asian Development Bank general headquarters.

Kalendaryo

Balita:
Tsina ASEAN Daigdig Litrato
Ugnayang Pinoy:
Beijing Shanghai Guangzhou Tianjin Shenyang Shijiazhuang Tips Community Billboard
Tsina sa Aming Mata:
Sine Tsino Pop China Gabi ng Musika Cooking Show Tsina mula sa Likod ng Aking Kamera MaArte Ako
Usap-usapan Ngayon sa Tsina Pag-usapan Natin
Pag-aaral ng Wikang Tsino:
Pag-aaral ng Wikang Tsino