Kalihim ng Turismo, ipinasisiyasat ng isang mambabatas

2018-05-07 18:49:41

HINILING ni Senador Nancy Binay na siyasatin ng Senado sa karumaldumal na advertising transaction na nagkakahalaga ng milyon-milyong piso.

Magugunitang sinabi ng Commission on Audit na hindi katanggap-tanggap ang ang pagbabayad sa Bitag Media Unlimited ni Ben Tulfo na kapatid ni Tourism Secretary Wanta Teo ng tanggapang kanyang pinamumunuan,

Ang Bitag Media Unlimited o BMU ay isang blocktimer na nasa likod ng programang “Kilos Pronto” sa himpilang pag-aari ng pamahalaan.

Sinabi ng mambabatas na sa limitadong pananalapi, kailangang maging responsible sa paglalaan ng pondo. Hindi biro ang budget na ibinibigay sa pag-anyaya sa maraming turista.

Ngayong 2018, ang Department of Tourism ay mayroong isang bilyong pisong budget para sa branding samantalang mayroong salaping nakahiwalay para sa Tourism Promotions Board. Ipinagpasalamat ni Senador Binay ang desisyon ng Bitag Media Unlimited na ibalik ang P 60 milyon sa advertising fund.

Samantala, sinabi naman ng tanggapan ni Senador Risa Hontiveros na ang pagbabalik ng salapi ay pagpapakita ng pagkakamali. Nararapat lamang ituloy ang imbestigasyon upang mapanagot ang nasa likod ng kaduda-dudang transaksyon.

Kalendaryo

Balita:
Tsina ASEAN Daigdig Litrato
Ugnayang Pinoy:
Beijing Shanghai Guangzhou Tianjin Shenyang Shijiazhuang Tips Community Billboard
Tsina sa Aming Mata:
Sine Tsino Pop China Gabi ng Musika Cooking Show Tsina mula sa Likod ng Aking Kamera MaArte Ako
Usap-usapan Ngayon sa Tsina Pag-usapan Natin
Pag-aaral ng Wikang Tsino:
Pag-aaral ng Wikang Tsino