Gng. Lourdes Sereno, hinamon si Pangulong Duterte na magbitiw

2018-05-17 18:25:11

HINAMON ng napatalsik na chief justice Ma. Lourdes Sereno si Pangulong Rodrigo Duterte na magbitiw matapos aminin na siya ang nasa likod ng matagumpay na pagpapatalsik sa punong mahistrado.

Ginawa ni Gng. Sereno ang pahayag isang araw matapos sabihin ni Pangulong Duterte na magbibitiw siya sa panguluhan kung mapatutunayan ang kanyang papel sa pagpapatalsik sa punong mahistrado.

Ani Gng. Sereno, sinabi ni G. Duterte na hindi totoong magbibitiw siya. Idinagdag ng pinatalsik na punong mahistrado na ilang beses nang narinig ang pahayag na magbibitiw siya. Ginawa ni Gng. Sereno ang pahayag sa isang talakayang binuo ng Integrated Bar of the Philippines at isang non-government organization na Manlaban sa EJK sa Pasig City.

Binanggit ng napatalsik na punong mahistrado na sinabi na ni Pangulong Duterte na kilalanin na siyang kalaban o kaaway matapos magtanong kung inutusan ba ng pangulo si Solicitor General Jose Calida na magparating ng quo warranto petition sa Korte Suprema.

Inutusan din ni Pangulong Duterte ang Kongreso na madaliin ang impeachment proceedings laban kay noo'y Chief Justice Ma. Lourdes Sereno.

Kalendaryo

Balita:
Tsina ASEAN Daigdig Litrato
Ugnayang Pinoy:
Beijing Shanghai Guangzhou Tianjin Shenyang Shijiazhuang Tips Community Billboard
Tsina sa Aming Mata:
Sine Tsino Pop China Gabi ng Musika Cooking Show Tsina mula sa Likod ng Aking Kamera MaArte Ako
Usap-usapan Ngayon sa Tsina Pag-usapan Natin
Pag-aaral ng Wikang Tsino:
Pag-aaral ng Wikang Tsino