Pantawid Pamilya, kailangang dagdagan pa

2018-06-15 17:30:45

 

NANINIWALA si Secretary Liza Maza ng National Anti-Poverty Commission na kailangang dagdagan pa ang kasalukuyang Pantawid Pamilya program ng Department of Social Welfare and Development upang maka-angat ang mga mahihirap.  Niliwanag din ni Assistant Secretary Javier Jimenez ng Department of Social Welfare and Development na maliit ang halaga na kanilang inilalabas sa bawat ikalawang buwan.


Sa idinaos na Wednesday Roundtable @ Lido, niliwanag ng dalawang opisyal na marami pang mahihirap bagama't layunin ng pamahalaang maibaba ang poverty rate sa 14% pagsapit ng taong 2022.


Kabilang sa mga panganib na hinaharap ng mahihirap ay ang mga kalamidad na karaniwang nagaganap sa bansa sa pamamagitan ng malalakas na bagyo at walang humpay na pag-ulan tulad ng nagaganap ngayon sa Metro Manila dala ng panahong habagat.


Sa panig naman ni Bb. Cassandra Salamanca, senior researcher ng IBON Foundation, kailangang masuhayan pa ang ayudang ibinibigay ng pamahalaan.  Kailangan ding magkaroon ng mga programang tutugon sa pangangailangan ng mga mamamayan.


Ayon naman kay Dr. Rene Ofreneo, dating dekano ng University of the Philippines - School of Labor and Industrial Relations, kailangang magbago ang programang pang-ekonomiya ng bansa sapagkat wala namang pagbabago sa mga programa mula pa noong manungkulan si Pangulong Corazon Aquino noong 1986.  Kahit umano si Economic Planning Secretary Ernesto M. Pernia ang nagsabing ipinagpapatuloy lamang ng Duterte Administration ang programa nitong minana sa dating pamahalaan sa ilalim ni Pangulong Benigno Simeon C. Aquino III.


Nanawagan siyang pasiglahin ang takbo ng pagsasaka upang umangat din ang buhay ng mga magsasaka sa kanayunan.



Balita:
Tsina ASEAN Daigdig Litrato
Ugnayang Pinoy:
Beijing Shanghai Guangzhou Tianjin Shenyang Shijiazhuang Tips Community Billboard
Tsina sa Aming Mata:
Sine Tsino Pop China Gabi ng Musika Cooking Show Tsina mula sa Likod ng Aking Kamera MaArte Ako
Usap-usapan Ngayon sa Tsina Pag-usapan Natin
Pag-aaral ng Wikang Tsino:
Pag-aaral ng Wikang Tsino