Kalakal ng European Union at Pilipinas, gumaganda

2018-10-22 17:53:08

NOONG nakalipas na taon, umabot sa € 14.1 bilyon ang imports at exports sa pagitan ng Pilipinas at European Union. Ito ang sinabi ni European Union Head of Delegation Franz Jessen sa kanyang talumpati sa EU-Philippines Business Summit kanina.

Ang European Union ang pangalawang pinakamalaking pinadadalhan ng mga produktong mula sa Pilipinas dahilan na rin sa halos € 2 bilyong exports tungo sa European Union dahil sa Generalised Scheme of Preferences Plus.

Makasasabay ang European Union sa America at Tsina at sa pagkakataong ito, makikinabang din ang Pilipinas.

Noong nakalipas na taon, nagpadala ang may 800,000 mga Filipinong naninirahan sa iba't ibang bansa sa EU ng US$ 3.4 bilyon kabilang na rin ang may 28,000 mga magdaragat na sakay ng mga barkong pag-aari ng kanilang mga mamamayan. Umabot na rin sa 553,000 ang mga turistang mula sa EU na dumalaw sa Pilipinas.

Umaasa si Ambassador Jessen na higit na sisigla ang mga mangangalakal na Filipino sa pagpasok sa European Union sapagkat ngayon ay ika-42 lamang na pinakamalaking kakalakal ng EU. Hindi rin aabot sa 35% ang trade flows sa pagitan ng EU at iba pang mga bansa sa rehiyon na kinabibilangan ng mga Thailand at Malaysia.

Balita:
Tsina ASEAN Daigdig Litrato
Ugnayang Pinoy:
Beijing Shanghai Guangzhou Tianjin Shenyang Shijiazhuang Tips Community Billboard
Tsina sa Aming Mata:
Sine Tsino Pop China Gabi ng Musika Cooking Show Tsina mula sa Likod ng Aking Kamera MaArte Ako
Usap-usapan Ngayon sa Tsina Pag-usapan Natin
Pag-aaral ng Wikang Tsino:
Pag-aaral ng Wikang Tsino