Hukuman, ibinasura ang kahilingan ng Department of Justice na dakpin si Senador Trillanes

2018-10-23 15:55:48

IBINASURA ng Makati Regional Trial Court Branch 150 ang petisyon ng Department of Justice na dakpin si Senador Antonio Trillanes sa usaping coup d'etat sanhi ng naganap na Oakwook Mutiny noong 2003, isang usaping pinawalang-saysay may pitong taon na ang nakararaan.

Sa Department of Justice, sinabi ng mga mamamahayag na nabalitaan na ni Acting Prosecutor General Richard Fadullon na tinanggihan ng hukuman ang kanilang kahilingang dakpin ang isa sa pinakamatinding kritiko ni Pangulong Duterte.

Ayon kay G. Fadullon, kinilala naman ng hukuman ang Proclamation 572 ni Pangulong Duterte na nagpawalang-saysay sa amnesty na iginawad ni Pangulong Benigno Simeon C. Aquino III.

Idinagdag pa rin niyang hindi pa niya nababasa ang desisyon bagama't nasabihan na siya ng pinakahuling pangyayari sa sala ni Judge Andres Soriano.

Taliwas ang kautusan ni G. Soriano sa desisyon ni Judge Elmo Alameda ng Makati Regional Trial Court Branch 150 na nag-utos na dakpin ang senador sa kasong rebelyon sa naganap sa Manila Peninsula noong 2007 bagama't pinayagang makapaglagak ng piyansa.

Balita:
Tsina ASEAN Daigdig Litrato
Ugnayang Pinoy:
Beijing Shanghai Guangzhou Tianjin Shenyang Shijiazhuang Tips Community Billboard
Tsina sa Aming Mata:
Sine Tsino Pop China Gabi ng Musika Cooking Show Tsina mula sa Likod ng Aking Kamera MaArte Ako
Usap-usapan Ngayon sa Tsina Pag-usapan Natin
Pag-aaral ng Wikang Tsino:
Pag-aaral ng Wikang Tsino