Pag-uusap ng Pilipinas at Tsina, magbubunga ng maganda

2018-10-29 18:48:24

NANINIWALA si Foreign Affairs Secretary-Designate Teodoro Locsin, Jr. na magiging maganda nag kahihintanan ng pagtutulungan ng Tsina at Pillipinas. Ito ang kanyang pahayag sa idinaos na Press Briefing sa Davao City kanina matapos ang kanilang bilateral meeting sa Marco Polo Hotel.

Sa pahayag ng Department of Foreign Affairs, sa pamamagitan ng kanilang Office of Public Diplomacy, naupo at nag-usap ang magkabilang panig kaninang umaga at inalam kung ano ang kinahinatnan ng magandang relasyon ng dalawang bansa sa nakalipas na dalawang taon.

Magugunitang dumating kahapon sa Davao City si State Councilor at Foreign Minister Wang Yi upang pasinayaan din ang Chinese Consulate General sa Davao City.

Sumaksi rin ang dalawang opisyal sa paglagda sa tatlong kasunduan, ang Exchange of Letters on the Feasibility Study of the Davao River Bridge Project, ang Handover Certificate of Law Enforcement-Related Materials/Equipment at ang Handover Certificate of Emergency Humanitarian Assistance.

Pinag-usapan din ang tungkol sa maritime cooperation. Naninindigan pa rin ang Pilipinas sa kahalagahan ng Declaration of Conduct in the South China Sea.

Pinag-usapan din nila ang napipintong pagdalaw sa Pilipinas ni Pangulong Xi Jinping ng Tsina sa darating na Nobyembre. Si Pangulong Xi ang ikawalong pinuno ng Tsina na dadalaw sa Pilipinas mula ng magkaroon ng diplomatic relations ang dalawang bansa noong 1975.

Balita:
Tsina ASEAN Daigdig Litrato
Ugnayang Pinoy:
Beijing Shanghai Guangzhou Tianjin Shenyang Shijiazhuang Tips Community Billboard
Tsina sa Aming Mata:
Sine Tsino Pop China Gabi ng Musika Cooking Show Tsina mula sa Likod ng Aking Kamera MaArte Ako
Usap-usapan Ngayon sa Tsina Pag-usapan Natin
Pag-aaral ng Wikang Tsino:
Pag-aaral ng Wikang Tsino