Walang dapat pangambahan sa utang mula sa Tsina

2018-11-27 19:06:40

  

SINABI ni Finance Secretary Carlos G. Dominguez III na walang dapat ipangamba ang mga mamamayan na malulubog ang bansa sa utang nito sa Tsina.


Sa kanyang talumpati sa harap ng mga mangangalakal sa Clark, Pampanga, sinabi ng kalihim na walang dahilan ang pangamba ng ilang sektor sapagkat ang utang na Pilipinas sa Tsina ay 0.11 percent lamang ng kabuuhang utang ng pamahalaan.


Niliwanag pa ng kalihim na tinitiyak nilang ang salaping inuutang ay mapakikinabangan ng madla sapagkat batid nilang ang mga mamamayan ang siyang magbabayad ng pagkakautang.


Magagamit na maayos ang salaping inutang sapagkat magpapasigla ito ng ekonomiya, dagdag pa ni Secretary Dominguez.


Dalawang utang lamang ang nakamtan ng Pilipinas mula sa Tsina, ang mga ito ay ang US$ 72.49 milyong Chico River Pump Irrigation Project at ang P 18.724 bilyong New Centennial Water Source-Kaliwa Dam Project.


Magugunitang sa pagdalaw ni Pangulong Xi Jinping sa bansa, lumagda ang Pilipinas at Tsina sa 29 na mga dokumento.


Balita:
Tsina ASEAN Daigdig Litrato
Ugnayang Pinoy:
Beijing Shanghai Guangzhou Tianjin Shenyang Shijiazhuang Tips Community Billboard
Tsina sa Aming Mata:
Sine Tsino Pop China Gabi ng Musika Cooking Show Tsina mula sa Likod ng Aking Kamera MaArte Ako
Usap-usapan Ngayon sa Tsina Pag-usapan Natin
Pag-aaral ng Wikang Tsino:
Pag-aaral ng Wikang Tsino