Amerika at Rusya, nagharap ng bagong plano ng tigil-putukan sa Syria

2016-09-11 17:59:30 CRI

Nagkasundo kahapon, Sabado, ika-10 ng Setyembre 2016, sa Geneva, sina John Kerry, Kalihim ng Estado ng Amerika, at Sergei Lavrov, Ministrong Panlabas ng Rusya, hinggil sa tigil-putukan ng iba't ibang nagsasagupaang panig ng Syria.

Ayon sa plano, simula bukas, ika-12 ng Setyembre, ititigil ng tropa ng Syria ang air raid sa mga armadong grupo ng paksyong oposisyon. Ititigil naman ng mga armadong grupo ng paksyong oposisyon ang pag-atake sa mga target sa pamahalaan, at puputulin ang pakikipag-ugnay sa mga organisasyong teroristiko sa loob ng Syria. Kung tatagal ng 7 araw ang bagong tigil-putukan, palalakasin ng Amerika at Rusya ang kooperasyong militar sa Syria, na kinabibilangan ng magkakasamang pagbibigay-dagok sa mga organisasyong teroristiko.

Nang araw ring iyon, ipinahayag ng pamahalaan ng Syria ang pagkatig sa naturang plano ng tigil-putukan. Nagpahayag naman ng pagtanggap dito ang United Nations, Unyong Europeo, Britanya, at Turkey. Umaasa silang mapapasulong nito ang pulitikal na paglutas sa isyu ng Syria.

Kalendaryo

Balita:
Tsina ASEAN Daigdig Litrato
Ugnayang Pinoy:
Beijing Shanghai Guangzhou Tianjin Shenyang Shijiazhuang Tips Community Billboard
Tsina sa Aming Mata:
Sine Tsino Pop China Gabi ng Musika Cooking Show Tsina mula sa Likod ng Aking Kamera MaArte Ako
Usap-usapan Ngayon sa Tsina Pag-usapan Natin
Pag-aaral ng Wikang Tsino:
Pag-aaral ng Wikang Tsino