Missile strike sa Syria, inilunsad ng Amerika

2017-04-07 18:36:50 CRI

Sa TV speech kagabi, Huwebes, ika-6 ng Abril 2017, sinabi ni Pangulong Donald Trump ng Amerika, na iniutos niya ang "targeted missile strike" sa isang paliparang militar ng Syria. Ito aniya ay bilang tugon sa paggamit ng pamahalaan ng Syria ng sandatang kemikal sa pagsalakay sa mga inosenteng sibilyan.

Ayon naman sa pahayag ng Pentagon, kagabi alas-8:40, Eastern Standard Time, inilunsad ng tropang Amerikano mula sa dalawang bapor na militar sa Mediterranean Sea ang 59 na Tomahawk cruise missiles sa paliparang militar sa lalawigang Homs, sa gitnang bahagi ng Syria.

Anang pahayag, nauna rito, ginamit ng tropa ng pamahalaan ng Syria ang naturang paliparan, para ilunsad ang isang pagsalakay sa pamamagitan ng sandatang kemikal. Dagdag nito, ang operasyon ng tropang Amerika ay para maiwasan ang muling paggamit ng pamahalaan ng Syria ng sandatang kemikal.

Kalendaryo

Balita:
Tsina ASEAN Daigdig Litrato
Ugnayang Pinoy:
Beijing Shanghai Guangzhou Tianjin Shenyang Shijiazhuang Tips Community Billboard
Tsina sa Aming Mata:
Sine Tsino Pop China Gabi ng Musika Cooking Show Tsina mula sa Likod ng Aking Kamera MaArte Ako
Usap-usapan Ngayon sa Tsina Pag-usapan Natin
Pag-aaral ng Wikang Tsino:
Pag-aaral ng Wikang Tsino