BRICS countries, pasusulungin ang kooperasyong pandaigdig sa pangangalap ng pondo para sa sustenableng pag-unlad

2017-04-19 17:03:27 CRI CRI

Sa ngalan ng mga BRICS country na kinabibilangan ng Brazil, Rusya, Indya, Tsina, at Timog Aprika, bumigkas ng talumpati kahapon, Martes, ika-18 ng Abril 2017, sa United Nations General Assembly, si Liu Jieyi, Pirmihang Kinatawan ng Tsina sa UN, hinggil sa isyu ng pangangalap ng pondo para sa 2030 Agenda for Sustainable Development.

Sinabi ni Liu, na ang pangangalaga ng pondo ay mahalaga para sa pagsasakatuparan ng naturang usapin. Iminungkahi niyang isabalikat ng mga maunlad na bansa ang pangunahing tungkulin sa pangangalap ng pondo, at bigyang-priyoridad ang paglutas sa pangangailangan ng mga umuunlad na bansa sa pondo. Dapat din aniyang lumikha ng magandang kapaligirang pandaigdig para sa pag-unlad ng iba't ibang bansa, sa pamamagitan ng pagpapabuti ng kapaligiran para sa pandaigdig na kalakalan at pamumuhunan, at pagpapabilis ng reporma sa pandaigdig na sistemang pinansyal.

Ipinahayag din ni Liu ang kahandaan ng mga BRICS country, na patuloy na patingkarin ang positibong papel, para pasulungin ang kooperasyong pandaigdig sa pangangalap ng pondo para sa 2030 Agenda for Sustainable Development.

Kalendaryo

Balita:
Tsina ASEAN Daigdig Litrato
Ugnayang Pinoy:
Beijing Shanghai Guangzhou Tianjin Shenyang Shijiazhuang Tips Community Billboard
Tsina sa Aming Mata:
Sine Tsino Pop China Gabi ng Musika Cooking Show Tsina mula sa Likod ng Aking Kamera MaArte Ako
Usap-usapan Ngayon sa Tsina Pag-usapan Natin
Pag-aaral ng Wikang Tsino:
Pag-aaral ng Wikang Tsino