Tsina at Amerika, pahihigpitin ang kooperasyon sa diplomasiya at seguridad

2017-06-22 12:15:18 CRI

Sa kauna-unahang diyalogo ng Tsina at Amerika sa diplomasya at seguridad, buong pagkakaisang ipinahayag ng dalawang panig na patuloy na magsisikap para palawakin ang kooperasyong may mutuwal na kapakinabangan at kontrolin ang hidwaan sa pundasyon ng paggalang sa isa't isa.

Umaasa rin ang Tsina at Amerika na matagumpay na idaraos ang mga diyalogo ng dalawang panig hinggil sa kabuhayan, cyber security at kultura sa loob ng taong ito.

Magkasamang pinanguluhan ang nasabing diyalogo nina Yang Jiechi, Kasangguni ng Estado ng Tsina, Rex Tillerson, Kalihim ng Estado ng Amerika, at Jim Mattis, Kalihim ng Tanggulan ng bansang ito.

Tinalakay ng dalawang panig ang mga isyu na gaya ng relasyon ng mga hukbo ng dalawang bansa, South China Sea, Taiwan, Tibet, kalagayan ng Korean Peninsula, at paglaban sa terorismo.

Sa nasabing diyalogo, tinukoy ng panig Tsino na dapat tumpak na pakitunguhan ng dalawang panig ang kani-kanilang estratehikong layon. Inulit ng panig Tsino na ang estratehiya nito ay pangangalaga sa sariling kapakanan sa soberanya, seguridad at pag-unlad. Bukod dito, ipinahayag ng panig Tsino na iginigiit nito ang landas ng mapayapang pag-unlad at iginagalang ang kaayusang pandaigdig sa pundasyon ng UN Charter.

Ipinahayag ng panig Amerikano na wala itong balak na pigilan ang pag-unlad ng Tsina. Nakahanda ang panig Amerikano na pahigpitin, kasama ng Tsina, ang diyalogo at kooperasyon para pasulungin ang kapayapaan, katatagan at kasaganaan ng rehiyong Asya-Pasipiko.

Buong pagkakaisang ipinalagay ng dalawang panig na dapat samantalahin ang diyalogong ito para palalimin ang pagtitiwalaan, pasulungin ang kooperasyon, at kontrolin ang mga hidwaan.

Kalendaryo

Balita:
Tsina ASEAN Daigdig Litrato
Ugnayang Pinoy:
Beijing Shanghai Guangzhou Tianjin Shenyang Shijiazhuang Tips Community Billboard
Tsina sa Aming Mata:
Sine Tsino Pop China Gabi ng Musika Cooking Show Tsina mula sa Likod ng Aking Kamera MaArte Ako
Usap-usapan Ngayon sa Tsina Pag-usapan Natin
Pag-aaral ng Wikang Tsino:
Pag-aaral ng Wikang Tsino