American at South Korean Leaders, inulit ang mapayapang paglutas sa isyung nuklear ng Korean Peninsula

2017-09-23 15:34:32

Nag-usap Huwebes, Setyembre 21, 2017, sina Pangulong Donald Trump ng Amerika at Pangulong Moon Jae-in ng Timog Korea. Ayon sa White House Biyernes, inulit ng dalawang panig na dapat gamitin ang mapayapang paraan upang maisakatuparan ang target ng pagtatakwil ng Hilagang Korea ng planong nuklear nito.

Bukod dito, ipinagdiinan din ng dalawang panig ang kahalagahan ng mahigpit at komprehensibong pagsasakatuparan ng resolusyon bilang 2371 at 2375 ng United Nations (UN) Security Council.

Kaugnay nito, ipinahayag Biyernes ni Tagapagsalita Lu Kang ng Ministring Panlabas ng Tsina, na sa kasalukuyan, napakasalimuot at napakahigpit ng situwasyon ng Korean Peninsula. Aniya, dapat panatilihin ng iba't-ibang kaukulang panig ang pagtitimpi at magkakasamang magsikap upang mapahupa ang situwasyon.

Idinagdag pa ni Lu na tinututulan ng panig Tsino ang pagpapaunlad ng Hilagang Korea ng sandatang nuklear at pagsasagawa nito ng nuclear test.

Salin: Li Feng

Kalendaryo

Balita:
Tsina ASEAN Daigdig Litrato
Ugnayang Pinoy:
Beijing Shanghai Guangzhou Tianjin Shenyang Shijiazhuang Tips Community Billboard
Tsina sa Aming Mata:
Sine Tsino Pop China Gabi ng Musika Cooking Show Tsina mula sa Likod ng Aking Kamera MaArte Ako
Usap-usapan Ngayon sa Tsina Pag-usapan Natin
Pag-aaral ng Wikang Tsino:
Pag-aaral ng Wikang Tsino