Referendum ng Iraqi Kurdish Autonomous Region, tinututulan ng komunidad ng daigdig

2017-09-29 11:12:54

Sa kabila ng pagtutol ng maraming panig, lantarang nagsagawa nitong Lunes, Setyembre 25, 2017, ang Iraqi Kurdish Autonomous Region ng independence referendum.

Kaugnay nito, magkakasunod na pinasimulan ng pamahalaang sentral ng Iraq, at mga kapitbansa nitong tulad ng Turkey at Iran, ang counter-measures laban sa nasabing reperendum. Buong pagkakaisa ring ipinahayag ng United Nations (UN), Estados Unidos, Rusya, at iba pang organisasyong pandaigdig at bansa, ang pagtutol sa pagsasarili ng naturang rehiyon. Kinakatigan anila ang unipikasyon at kabuuan ng teritoryo ng Iraq.

Ipinahayag nitong Miyerkules sa parliamento ni Punong Ministro Haider al-Abadi ng Iraq, na kung talagang nais ipagpatuloy ng Kurdish Autonomous Region ang diyalogo sa Baghdad, dapat nito itakwil ang resulta ng reperendum.

Aktibo rin nakikipagsanggunian ang pamahalaang Iraqi sa mga kapitbansa nito at komunidad ng daigdig upang makuha ang pagkatig nila at magkakasamang harapin ang naturang reperendum.

Salin: Li Feng

Kalendaryo

Balita:
Tsina ASEAN Daigdig Litrato
Ugnayang Pinoy:
Beijing Shanghai Guangzhou Tianjin Shenyang Shijiazhuang Tips Community Billboard
Tsina sa Aming Mata:
Sine Tsino Pop China Gabi ng Musika Cooking Show Tsina mula sa Likod ng Aking Kamera MaArte Ako
Usap-usapan Ngayon sa Tsina Pag-usapan Natin
Pag-aaral ng Wikang Tsino:
Pag-aaral ng Wikang Tsino