Kakayahang pandepensa, “red line” ng Iran — Iranian Armed Forces

2017-10-22 15:43:59

Ipinahayag nitong Sabado, Oktubre 21, 2017, ni Seyed Masoud Jazayeri, Tagapagsalita ng Iranian Armed Forces, na bagama't walang tigil na ipinapataw ng mga bansang Kanluranin ang presyur laban sa Iran, ang kakayahang pandepensa ng bansa ay di-mapapahintulutang talakayin. Aniya, ang kakayahang pandepensa ng Iran ay "red line."

Ipinahayag ng nasabing tagapagsalita na walang nakikitang limitasyon ang anumang kasunduang pandaigdig sa pagpapaunlad ng missile ng isang bansa. May diperensiya sa pagitan ng isyung nuklear at isyu ng missile at tanggulang bansa, at hinding hindi pahihintulutan ng Iran ang pagkakaroon ng talastasan tungkol sa sariling tanggulang bansa at kakayahang militar, aniya.

Kaugnay ng isyu ng sugong militar ng Iran sa Iraq at Syria, sinabi niya na ang pagpunta ng mga sugong militar ng Iran sa nasabing mga bansa ay nasa opisyal na imbitasyon ng kanilang pamahalaan. Ito aniya ay ganap na legal.

Salin: Li Feng

Kalendaryo

Balita:
Tsina ASEAN Daigdig Litrato
Ugnayang Pinoy:
Beijing Shanghai Guangzhou Tianjin Shenyang Shijiazhuang Tips Community Billboard
Tsina sa Aming Mata:
Sine Tsino Pop China Gabi ng Musika Cooking Show Tsina mula sa Likod ng Aking Kamera MaArte Ako
Usap-usapan Ngayon sa Tsina Pag-usapan Natin
Pag-aaral ng Wikang Tsino:
Pag-aaral ng Wikang Tsino