UN, hinimok ang Amerika na alisin ang blokeyo sa Cuba

2017-11-02 16:46:39

Sa isang resolusyong pinagtibay Miyerkules, Oktubre 1, 2017, ng Ika-72 Pangkalahatang Asemblea ng United Nations (UN), muli nitong hinimok ang Amerika na bigyang-wakas ang ipinapataw nitong blokeyong pangkabuhayan, pangkalakalan, at pinansiyal sa Cuba na tumagal na ng mahigit kalahating siglo.

Hinimok din ng resolusyon ang lahat ng bansa na huwag isapubliko at isagawa ang anumang batas at hakbangin ng pagpataw ng blokeyo sa Cuba. Nanawagan ito sa mga bansang may nasabing mga batas at hakbangin na isagawa ang mga kinakailangang hakbang upang kanselahin o ipagwalang-bisa ang mga ito sa lalong madaling panahon.

Bago pagtibayin ang resolusyon, sinabi ni Bruno Rodriguez Parrilla, Ministrong Panlabas ng Cuba, na ang isinasagawang blokeyo ng Amerika sa Cuba ay "lantaran, malawakan, at sistematikong" paglapastangan sa karapatang pantao ng mga mamamayang Cubano. Ang blokeyo aniya ay nagdudulot ng napakalaking kapinsalaan sa Cuba.

Salin: Li Feng

Kalendaryo

Balita:
Tsina ASEAN Daigdig Litrato
Ugnayang Pinoy:
Beijing Shanghai Guangzhou Tianjin Shenyang Shijiazhuang Tips Community Billboard
Tsina sa Aming Mata:
Sine Tsino Pop China Gabi ng Musika Cooking Show Tsina mula sa Likod ng Aking Kamera MaArte Ako
Usap-usapan Ngayon sa Tsina Pag-usapan Natin
Pag-aaral ng Wikang Tsino:
Pag-aaral ng Wikang Tsino