Pagdalaw ng premyer Tsino sa Hungary, ibayo pang magpapasulong ng bilateral na relasyon at kooperasyon ng Tsina't CEEC

2017-11-30 12:13:11 CRI

Budapest, kabisera ng Hungary—Natapos Miyerkules, Nobyembre 29, 2017 ni Premyer Li Keqiang ng Tsina ang apat na araw na biyahe sa Hungary.

Sa kanilang pag-usap Martes, sumang-ayon sina Premyer Li at Punong Ministro Viktor Orban ng Hungary na magsisikap pa ang dalawang bansa para maiangat ang kanilang komprehensibong estratehikong partnership sa bagong antas.

Sina Premyer Li Keqiang ng Tsina at Punong Ministro Viktor Orban ng Hungary, sa Budapest, Hungary, Nov. 28, 2017. (Xinhua/Ju Peng)

Pagkatapos ng pagtatagpo, tumayong-saksi ang dalawang punong ministro sa paglagda ng 11 dokumentong pangkooperasyon na may kinalaman sa pulitika, kabuhayan, kalakalan, pinansya, kultura at iba pa.

 Seremonya ng paglagda ng Tsina't Hungary sa serye ng dokumentong pangkooperasyon, sa Budapest, Hungary, Nov. 28, 2017. (Xinhua/Xie Huanchi)

Sa kanyang pananatili sa Hungary, lumahok din si Premyer Li sa Ika-6 na Pulong ng mga Lider ng China at 16 na Central at Eastern European Countries (CEEC) at Ika-7 Porum ng Kooperasyong Pangkabuhaya't Pangkalakalan ng China at CEEC.

Salin: Jade
Pulido: Mac

Kalendaryo

Balita:
Tsina ASEAN Daigdig Litrato
Ugnayang Pinoy:
Beijing Shanghai Guangzhou Tianjin Shenyang Shijiazhuang Tips Community Billboard
Tsina sa Aming Mata:
Sine Tsino Pop China Gabi ng Musika Cooking Show Tsina mula sa Likod ng Aking Kamera MaArte Ako
Usap-usapan Ngayon sa Tsina Pag-usapan Natin
Pag-aaral ng Wikang Tsino:
Pag-aaral ng Wikang Tsino