T.Korea, umaasang sisimulan ang paghahanda para sa inter-Korean summit

2018-03-17 15:49:02 CRI

Sinabi kahapon, Biyernes, ika-16 ng Marso 2018, ni Im Jong-seok, Chief of Staff ng Pangulo ng Timog Korea, na ihaharap ng kanyang bansa sa Hilagang Korea ang mungkahi hinggil sa pagdaraos ng bilateral na pag-uusap sa mataas na antas, sa katapusan ng buwang ito, bilang paghahanda para sa summit sa pagitan nina Pangulong Moon Jae-in ng T.Korea at Kataas-taasang Lider Kim Jong Un ng Hilagang Korea.

Nang araw ring iyon, nagpulong ang isang komiteng pampanguluhan ng T.Korea bilang paghahanda para sa nabanggit na summit. Pagkaraan ng pulong, sinabi sa media ni Im, na inaasahang idaraos ang summit sa Panmunjon, at tatagal ito ng isang araw. Dagdag niya, ang mungkahi ng panig T.Koreano ay maging pokus ng summit ang mga paksa hinggil sa pangmatagalang kapayapaan sa Korean Peninsula, pagsasakatuparan ng walang nuklear na peninsula, pagpapahupa ng tensyong militar, at pagkakaroon ng breakthrough sa relasyon ng Timog at Hilagang Korea.

Ayon kay Im, iminungkahi rin ng T.Korea na magpadala ng isang tropang pansining at isang demonstration team ng Taekwondo, sa Pyongyang sa unang dako ng darating na Abril, para sa pagtatanghal.

Kalendaryo

Balita:
Tsina ASEAN Daigdig Litrato
Ugnayang Pinoy:
Beijing Shanghai Guangzhou Tianjin Shenyang Shijiazhuang Tips Community Billboard
Tsina sa Aming Mata:
Sine Tsino Pop China Gabi ng Musika Cooking Show Tsina mula sa Likod ng Aking Kamera MaArte Ako
Usap-usapan Ngayon sa Tsina Pag-usapan Natin
Pag-aaral ng Wikang Tsino:
Pag-aaral ng Wikang Tsino