EU, hindi kumakatig sa paglabag sa regulasyon ng WTO

2018-04-05 16:12:05 CRI

Sa isang news briefing Miyerkules, Abril 4, 2018, sinabi ni Daniel Rosario, Tagapagsalita ng Komisyon ng Unyong Europeo (EU), na nabatid ng EU ang plano ng Amerika na patawan ng karagdagang taripa ang mga produktong Tsino alinsunod sa "Section 301 Investigation." Tinututulan aniya ng EU ang anumang hakbanging pangkalakalan na lumalabag sa regulasyon ng World Trade Organization (WTO).

Ipinahayag niya na sapul nang pasimulan ng Amerika ang "Section 301 Investigation" noong Agosto, 2017, palagiang sinusubaybayan ng EU ang progreso nito. Aniya, makaraang isapubliko ng Amerikano ang lahat ng detalye, isasagawa ng EU ang ibayo pang pag-analisa at imbestigasyon hinggil dito.

Ipinagdiinan pa niya na ang mga hakbanging pangkalakalan ay dapat isagawa sa ilalim ng balangkas ng WTO. Ipinagkakaloob ng WTO ang maraming porma para sa paglutas sa mga alitang pangkalakalan.

Salin: Li Feng

Kalendaryo

Balita:
Tsina ASEAN Daigdig Litrato
Ugnayang Pinoy:
Beijing Shanghai Guangzhou Tianjin Shenyang Shijiazhuang Tips Community Billboard
Tsina sa Aming Mata:
Sine Tsino Pop China Gabi ng Musika Cooking Show Tsina mula sa Likod ng Aking Kamera MaArte Ako
Usap-usapan Ngayon sa Tsina Pag-usapan Natin
Pag-aaral ng Wikang Tsino:
Pag-aaral ng Wikang Tsino