Pagtutulungan sa depensa at seguridad, ipinangako ng mga kasapi ng SCO

2018-04-25 16:54:44 CRI

Beijing, Tsina—Sa katatapos na Ika-15 Pulong ng mga Ministrong Pandepensa ng Shanghai Cooperation Organization (SCO), ipinangako ng mga kalahok na kinatawan na ibayo pang pahigpitin ang pagtutulungang pandepensa at seguridad para magkakasamang kaharapin ang mga komong hamong panrehiyon at pandaigdig.

Lumahok sa nasabing pulong ang walong kasapi ng SCO na kinabibilangan ng China, India, Kazakhstan, Kyrgyzstan, Pakistan, Rusya, Tajikistan, at Uzbekistan. Dumalo rin sa pulong ang kinatawan mula sa Belarus, bilang espesyal na panauhin.

Nangulo at bumigkas ng keynote speech si Wei Fenghe, Ministro ng Depensa ng Tsina.

Sinabi ni Wei na ang tema ng pulong ay Pagtatatag ng Community with Shared Future at Pagkakaroon ng Mapanlikhang Pagtutulungan para sa Komong Kaunlaran. Ito aniya ay tugma sa layon ng SCO at Shanghai Spirit na nagtatampok sa pagtitiwalaan, mutuwal na kapakinabangan, pagkakapantay-pantay, pagsasanggunian, respeto sa pagkakaiba-iba ng kultura, at komong kasaganaan.

Inilabas din ng mga kalahok na kinatawan ang Tala ng Pulong at Magkasanib na Komunike.

Salin: Jade
Pulido: Rhio

Kalendaryo

Balita:
Tsina ASEAN Daigdig Litrato
Ugnayang Pinoy:
Beijing Shanghai Guangzhou Tianjin Shenyang Shijiazhuang Tips Community Billboard
Tsina sa Aming Mata:
Sine Tsino Pop China Gabi ng Musika Cooking Show Tsina mula sa Likod ng Aking Kamera MaArte Ako
Usap-usapan Ngayon sa Tsina Pag-usapan Natin
Pag-aaral ng Wikang Tsino:
Pag-aaral ng Wikang Tsino