EU, hiningi ang permanenteng eksempsyon ng Amerika sa taripa sa bakal

2018-05-02 16:16:40

Hiningi Martes, Mayo 1, 2018 ng Uniyong Europeo (EU) sa Estados Unidos ang permanenteng eksempsyon sa taripa sa bakal, makaraang ipatalastas ng White House ang pagpapalawig ng naturang eksempsyon sa taripa para sa bakal at aluminyo hanggang sa Hunyo 1, 2018. Ipinagdiinan din ng EU na hindi ito makikipagtalastasan sa Amerika sa ilalim ng pagbabanta.

Noong Abril 30, ipinatalastas ng White House na pinal na palalawigin ng 30 araw ang nasabing eksempsyon sa EU, Canada, at Mexico para sa talastasan. Nauna rito, isinagawa ng White House ang eksempsyon sa nabanggit na mga ekonomiya hanggang Mayo 1.   

Ipinahayag ng EU na ang naturang desisyon ng Amerika ay nagpapatagal ng kawalang-katiyakang pampamilihan. Sa katotohanan, naaapektuhan na ang mga kapasiyahang pangnegosyo. Anito pa walang batayan ang White House sa pagpapataw ng taripa, sa pangangatwiran ng pambansang seguridad, dagdag pa ng EU.

Salin:Jade
Pulido: Rhio

Kalendaryo

Balita:
Tsina ASEAN Daigdig Litrato
Ugnayang Pinoy:
Beijing Shanghai Guangzhou Tianjin Shenyang Shijiazhuang Tips Community Billboard
Tsina sa Aming Mata:
Sine Tsino Pop China Gabi ng Musika Cooking Show Tsina mula sa Likod ng Aking Kamera MaArte Ako
Usap-usapan Ngayon sa Tsina Pag-usapan Natin
Pag-aaral ng Wikang Tsino:
Pag-aaral ng Wikang Tsino