US Embassy sa Jerusalem, pormal na binuksan

2018-05-15 11:35:03 CRI

Sa kabila ng matinding protesta ng mga mamamayang Palestino at pagkondena ng maraming bansa, pormal na binuksan sa Jerusalem Lunes, Mayo 14, 2018, ang Embahadang Amerikano sa Israel.

Dumalo sa seremonya ng pagbubukas ang delegasyong Amerikano na pinamumunuan ni John Sullivan, Pangalawang Kalihim ng Estado ng Estados Unidos. Kabilang sa delegasyong ito ay ang anak ni US President Donald Trump na si Ivanka at asawa niyang si Jared Kushner, at US Treasury Secretary Steve Mnuchin.

Bagama't hindi nakadalo si Trump, nagpadala siya ng video message na nagsasabing ang paglilipat ng Embahadang Amerikano sa Jerusalem mula Tel Aviv ay isang bagay na dapat ay matagal nang nagawa.

Idinaos Lunes sa purok-hanggahan ng Gaza Strip at Israel, at mga lunsod na gaya ng Ramallah at Bethlehem, ng mga mamamayang Palestino ang kilos-protesta. Hanggang sa ngayon, 55 mamamayang Palestino ang namatay habang mahigit 2800 iba pa ang nasugatan matapos ang pakikipagsagupaan sa mga Israeli forces. Ayon sa Israeli media, sapul nang maganap ang digmaan sa Gaza noong 2014, ang insidenteng naturan ay ang may pinakamaraming namatay na mamamayang Palestino sa loob ng isang araw.

Salin: Li Feng

Balita:
Tsina ASEAN Daigdig Litrato
Ugnayang Pinoy:
Beijing Shanghai Guangzhou Tianjin Shenyang Shijiazhuang Tips Community Billboard
Tsina sa Aming Mata:
Sine Tsino Pop China Gabi ng Musika Cooking Show Tsina mula sa Likod ng Aking Kamera MaArte Ako
Usap-usapan Ngayon sa Tsina Pag-usapan Natin
Pag-aaral ng Wikang Tsino:
Pag-aaral ng Wikang Tsino