UNHRC: iimbestigahan ang mga aksyon ng paglapastangan sa karapatang pantao sa Gaza Strip

2018-05-19 15:43:27 CRI

Idinaos kahapon, Biyernes, ika-18 ng Mayo 2018, sa Geneva, ng United Nations Human Rights Council (UNHRC), ang espesyal na pulong hinggil sa kalagayan sa Gaza Strip. Pinagtibay sa pulong ang resolusyon, hinggil sa pagpapadala ng grupong tagapagsiyasat para imbestigahan ang mga paglabag sa karapatang pantao, na naganap sa mga sinasakop na teritoryo ng Palestina, lalung-lalo na sa Gaza Strip.

Sinabi sa pulong ni Zeid bin Ra'ad Zeid al-Hussein, United Nations High Commissioner for Human Rights, na sapul nang maganap noong ika-30 ng nagdaang Marso sa Gaza Strip ang malawak na demonstrasyon laban sa pagsakop ng Israel, pinatay ng tropang Israeli ang 87 mamamayang Palestino na kalahok sa demonstrasyon, at 29 ring Palestino ang napatay sa ibang okasyon. Samantala, di-kukulangin sa 12 libong Palestino ang nasugatan sa demonstrasyon. Dagdag ni Zeid, lumalala pa ang kalagayan sa Gaza Strip nitong nakalipas na isang linggo.

Nang araw ring iyon, ipinahayag ni Ismail Haniyeh, lider ng Islamic Resistance Movement (Hamas), na dapat ganap na alisin ng Israel ang blokeyo sa Gaza Strip. Kung hindi aniya, ipagpapatuloy ng panig Palestino ang demonstrasyon, at palalawakin ito sa mga lugar sa kanlurang pampang ng Ilog Jordan.

Balita:
Tsina ASEAN Daigdig Litrato
Ugnayang Pinoy:
Beijing Shanghai Guangzhou Tianjin Shenyang Shijiazhuang Tips Community Billboard
Tsina sa Aming Mata:
Sine Tsino Pop China Gabi ng Musika Cooking Show Tsina mula sa Likod ng Aking Kamera MaArte Ako
Usap-usapan Ngayon sa Tsina Pag-usapan Natin
Pag-aaral ng Wikang Tsino:
Pag-aaral ng Wikang Tsino