Trump: Amerika at H.Korea, isinasagawa ang konstruktibong pag-uusap

2018-05-26 16:59:29 CRI

Sinabi kahapon, Biyernes, ika-25 ng Mayo 2018, ni Pangulong Donald Trump ng Amerika, na isinasagawa ngayon ng panig Amerikano at panig Hilagang Koreano ang konstruktibong pag-uusap hinggil sa pagpapanumbalik ng pagtatagpo nila ni Kim Jong Un, Kataas-taasang Lider ng H.Korea.

Aniya, posibleng idaraos ang naturang pagtatagpo sa nakatakdang iskedyul, na ika-12 ng darating na Hunyo sa Singapore. Pero, posible ring ipagpapaliban ang pagtatagpo, dagdag ni Trump.

Nitong Mayo 24, sa kanyang liham kay Kim, sinabi ni Trump, na kanselado na ang kanilang pagtatagpo sa Singapore. Bilang tugon, sinabi naman ng panig H.Koreano, na ang desisyong ito ay hindi angkop sa hangarin ng komunidad ng daigdig para sa kapayapaan at katatagan sa Korean Peninsula, at maging sa daigdig. Dagdag pa ng panig H.Koreano, nakahanda itong idaos ang talastasan kasama ng Amerika, sa anumang oras at porma.

Kalendaryo

Balita:
Tsina ASEAN Daigdig Litrato
Ugnayang Pinoy:
Beijing Shanghai Guangzhou Tianjin Shenyang Shijiazhuang Tips Community Billboard
Tsina sa Aming Mata:
Sine Tsino Pop China Gabi ng Musika Cooking Show Tsina mula sa Likod ng Aking Kamera MaArte Ako
Usap-usapan Ngayon sa Tsina Pag-usapan Natin
Pag-aaral ng Wikang Tsino:
Pag-aaral ng Wikang Tsino