Liham ni Kim Jong-un, tinanggap ni Trump—White House

2018-08-03 13:57:49 CRI

Sinabi Huwebes, Agosto 2, 2018 ni Sarah Sanders, Tagapagsalita ng White House, na tinanggap Miyerkules ni Pangulong Donald Trump ng Amerika ang liham ni Kim Jong-un, Kataas-taasang lider ng Hilagang Korea, at ipapadala ang sagot sa panig Hilagang Koreano.

Ani Sanders, sa kanilang mga liham, binanggit ng mga lider ng dalawang bansa ang pangakong ginawa sa panahon ng kanilang pagtatagpo sa Singapore. Patuloy na magsisikap aniya ang dalawang lider para mapasulong ang ganap na denuklearisasyon ng Korean Peninsula. Pinasalamatan din niya ang pagsasauli kamakailan ng Hilagang Korea ng mga labi ng mga sundalong Amerikano. Aniya, may progreso ang tuluy-tuloy na kooperasyon ng Amerika at Hilagang Korea, at patuloy na isasagawa ng kapuwa panig ang kooperasyon sa hinaharap.

Salin: Vera

Balita:
Tsina ASEAN Daigdig Litrato
Ugnayang Pinoy:
Beijing Shanghai Guangzhou Tianjin Shenyang Shijiazhuang Tips Community Billboard
Tsina sa Aming Mata:
Sine Tsino Pop China Gabi ng Musika Cooking Show Tsina mula sa Likod ng Aking Kamera MaArte Ako
Usap-usapan Ngayon sa Tsina Pag-usapan Natin
Pag-aaral ng Wikang Tsino:
Pag-aaral ng Wikang Tsino