NoKor media, nanawagan sa US President na pabutihin ang relasyon ng NoKor at Amerika

2018-08-19 15:10:39

Sa isang artikulong inilabas Sabado, Agosto 18, 2018 ng "Rodong Simun" ng Hilagang Korea, nanawagan ito kay US President Donald Trump na huwag sanang maapektuhan ng puwersang oposisyon sa loob ng Amerika ang relasyon sa Hilagang Korea, dapat sirain ang kasalukuyang deadlock sa relasyon ng dalawang bansa at pabutihin ang relasyon ng Hilagang Korea at Amerika.

Anang artikulo, ang negatibong epektong dulot ng political struggle sa loob ng Amerika ay pundamental na dahilan ng pagkasadlak sa deadlock ng relasyon ng dalawang bansa.

Noong Hunyo 12, 2018, nagtagpo sa Singapore ang mga lider ng Hilagang Korea at Amerika, at nagpalabas sila ng magkasanib na pahayag kung saan nagpahayag silang magsisikap upang maitatag ang bagong relasyon at itatag ang pangmatagalan at matatag na mekanismong pangkapayapaan sa Korean Peninsula. Dito, ipinangako ni Trump na magkakaloob ng garantiyang panseguridad sa Hilagang Korea, at inulit naman ni Kim Jong-un, Pinakamataas na Lider ng Hilagang Korea, ang kanyang pangakong isasakatuparan ang ganap na walang-nuklear na Korean Peninsula.

Salin: Li Feng

Balita:
Tsina ASEAN Daigdig Litrato
Ugnayang Pinoy:
Beijing Shanghai Guangzhou Tianjin Shenyang Shijiazhuang Tips Community Billboard
Tsina sa Aming Mata:
Sine Tsino Pop China Gabi ng Musika Cooking Show Tsina mula sa Likod ng Aking Kamera MaArte Ako
Usap-usapan Ngayon sa Tsina Pag-usapan Natin
Pag-aaral ng Wikang Tsino:
Pag-aaral ng Wikang Tsino