Anu-ano ang mga ganting hakbangin ng Rusya sa bagong round ng sangsyon ng Amerika?

2018-08-23 17:34:57 CRI

Miyerkules, Agosto 22, 2018, ipinahayag ni Pangulong Vladimir Putin ng Rusya na "salungat sa mithiin at walang katuturang aksyon" ang bagong round ng sangsyon ng Amerika laban sa Rusya. Nanawagan siyang mapagtatanto ng pamahalaang Amerikano na tiyak na mabibigo ang naturang patakaran, at ibabalik sa normal na kooperasyon ang relasyong Ruso-Amerikano.


Noong Agosto 21, sinimulan ng Amerika ang bagong round ng sangsyon sa Rusya. Ang mga pinatawan ng sangsyon ay kinabibilangan ng mga entidad, indibiduwal at bapor na konektado sa Rusya. Ipapa-freeze ang kanilang ari-arian sa loob ng Amerika, at hindi pahihintulutan ang transaksyon nila sa mga mamamayang Amerikano.

Tinatayang kahit hindi matindi ang kasalukuyang sangsyong inilabas ng panig Amerikano, posibleng maging simula ito ng bagong round ng malawakang sangsyon laban sa Rusya.

Ipinalalagay ng mga ekonomista na ang tagal at pagpapatuloy ng sangsyon ng Amerika at Europa laban sa Rusya ay isa sa mga pinakamalaking kahirapan sa kabuhayan ng Rusya. Sa aspekto ng kabuhayan, kahit pansamantalang walang kakayahan ang Rusya na direktang harapin ang komprontasyon sa Amerika, ayon sa pahayag ni Putin at isang serye ng mga kilos ng panig Ruso kamakailan, gumagawa ng paghahanda ang Rusya para sa mga ganting hakbangin.

Una, sa diplomatikong antas, kusang-loob na pinapalakas ng Rusya ang pakikipagpalitan at pakikipagtulungan sa Iran, Turkey, maging sa mga tradisyonal na kaalyansa ng Amerika na gaya ng Europa.

Ika-2, isinasagawa ng Rusya ang mga hakbanging gaya ng pagbabawas ng pagmamay-ari ng mga ari-ariang dolyares, at pagsasagawa ng settlement in local currency sa kalakalang pandaigdig, bagay na nakakabawas, sa takdang digri, sa epekto ng plaktuwasyon ng exchange rate ng Russian Ruble sa kabuhayan ng bansa, at pagkadepende nito sa dolyares.

At ika-3, hinahanap ng Rusya ang pagtatatag ng "malaking partnership sa pagitan ng Europa at Asya" na bubuo sa Eurasian Economic Union, India, Tsina, iba't ibang bansa ng Commonwealth of Independent States (CIS), at iba pang bansa. Ito ang itinuturing na isa sa mga palatandaan ng paglipat ng pokus ng diplomatikong patakaran at estratehiya ng Rusya sa silangan.

Nagpahayag minsan sa publiko si Putin na winewelkam niya ang pagsapi ng Unyong Europeo (EU) sa plano ng "malaking partnership sa pagitan ng Europa at Asya." Sa ilalim ng kalagayang kinakaharap ng relasyong Ruso-Amerikano sa isang serye ng di-malutas na kontradiksyong pang-estruktura, kung bibigyang-daan ng nasabing plano ang pagpapabuti ng relasyon ng Rusya at Europa, posibleng magsilbi itong pangmatalagang hakbangin ng Rusya laban sa sangsyon ng Amerika.

Salin: Vera

Balita:
Tsina ASEAN Daigdig Litrato
Ugnayang Pinoy:
Beijing Shanghai Guangzhou Tianjin Shenyang Shijiazhuang Tips Community Billboard
Tsina sa Aming Mata:
Sine Tsino Pop China Gabi ng Musika Cooking Show Tsina mula sa Likod ng Aking Kamera MaArte Ako
Usap-usapan Ngayon sa Tsina Pag-usapan Natin
Pag-aaral ng Wikang Tsino:
Pag-aaral ng Wikang Tsino