Tsina, komprehensibong partner ng Zambia — Pangulo ng Zambia

2018-09-23 15:36:19 CRI

Sinabi kamakailan ni Pangulong Edgar Lungu ng Zambia na ang Tsina ay komprehensibong katuwang sa pag-unlad ng Zambia. Aniya, ang Kafulafuta Water Supply System Project na pinopondohan at sinusuportahan ng panig Tsino ay makakapaghatid ng benepisyo sa mga mamamayan ng Zambia.

Sa kanyang pagdalo sa seremonya ng pagsisimula ng nasabing proyekto, sa probinsyang Copperbelt, ipinahayag ni Lungu na bunga ng proyektong ito, magkakaroon ang mga residenteng nakapaligid dito ng malinis at maginhawang tubig-maiinom, at magkakaloob din ito ng maraming pagkakataon ng hanap-buhay at komersyo. Ang pagsasagawa ng nasabing proyekto ay hindi nai-hihiwalay sa pagkatig mula sa pamahalaan at mga bahay-kalakal ng Tsina, at taos-pusong nagpapasalamat ang Zambia, aniya pa.

Sa kanya namang mensahe, ipinahayag ni Li Jie, Embahador ng Tsina sa Zambia, na ang Kafulafuta Water Supply System Project ay makakapagpataas sa lebel ng pampublikong kalusugan ng Zambia, at makakapagbigay ng malakas na garantiya sa pag-unlad ng lipunan at kabuhayan ng bansang ito.

Salin: Li Feng

Balita:
Tsina ASEAN Daigdig Litrato
Ugnayang Pinoy:
Beijing Shanghai Guangzhou Tianjin Shenyang Shijiazhuang Tips Community Billboard
Tsina sa Aming Mata:
Sine Tsino Pop China Gabi ng Musika Cooking Show Tsina mula sa Likod ng Aking Kamera MaArte Ako
Usap-usapan Ngayon sa Tsina Pag-usapan Natin
Pag-aaral ng Wikang Tsino:
Pag-aaral ng Wikang Tsino