Tsina't Amerika, nagdaos ng ika-2 Diyalogong Diplomatiko at Panseguridad

2018-11-10 19:23:54 CRI

Idinaos ng Tsina't Amerika, nitong Biyernes, Nobyembre 9, Local time, sa Washington D.C. ang ikalawang Diyalogong Diplomatiko at Panseguridad ng dalawang bansa. Pinamunuan ang diyalogo nina Yang Jiechi, Kagawad ng Pulitburo ng Komite Sentral ng Partido Komunista ng Tsina; Wei Fenghe, Kasangguni ng Estado at Ministro ng Tanggulang-bansa ng Tsina; kasama nina Mike Pompeo, Kalihim ng Estado at James Mattis, Kalihim ng Tanggulang-bansa ng Estados Unidos. Pinag-usapan ng magkabilang panig ang hinggil sa relasyon ng dalawang bansa at mga isyung panrehiyon at pandaigdig na kapuwa nila pinahahalagahan.

Kinilala ng dalawang panig ang katuturan ng pag-uusap ng dalawang pangulo bilang estratehikong patnubay sa pag-unlad ng relasyong Sino-Amerikano. Ipinalalagay nilang ang narating na kasunduan nina Pangulong Xi Jinping ng Tsina at Pangulong Donald Trump ng Amerika sa kanilang pag-uusap sa telepono Nobyembre 1 at ang kanilang gagawing pagtatagpo sa sidelines ng G20 Summit sa Argentina ay may napakahalagang katuturan sa pangangalaga sa matatag na pag-unlad ng relasyon ng dalawang bansa.

Malalimang nagpalitan din ang dalawang panig hinggil sa sariling estratehiya at patakarang panlabas sa isa't sa. Nagkaisa silang malawak ang espasyo ng pagtutulungan ng dalawang bansa sa iba't ibang larangan na gaya ng kabuhayan, kalakalan, militar, pagpapatupad sa batas, paglaban sa terorismo, paglaban sa droga, pamahalaang lokal, pagpapalitan ng mga tao. Nakahanda silang pahigpitin ang pagpapalitan at pagtutulungan sa nasabing mga larangan, para magdulot ng totoong benepisyo sa mga mamamayan ng dalawang bansa.

Nagpalitan din ang magkabilang panig ng paninindigan at kuru-kuro hinggil sa mga isyu ng South China Sea, Taiwan, Korean Peninsula, Afghanistan, Gitnang Silangan, at iba pa.

Pagkatapos ng diyalogo, magkasamang humarap sa mga mamamahayag ang mga opisyal.

Balita:
Tsina ASEAN Daigdig Litrato
Ugnayang Pinoy:
Beijing Shanghai Guangzhou Tianjin Shenyang Shijiazhuang Tips Community Billboard
Tsina sa Aming Mata:
Sine Tsino Pop China Gabi ng Musika Cooking Show Tsina mula sa Likod ng Aking Kamera MaArte Ako
Usap-usapan Ngayon sa Tsina Pag-usapan Natin
Pag-aaral ng Wikang Tsino:
Pag-aaral ng Wikang Tsino