2 satellite ng Saudi Arabia, inilunsad ng Tsina; pagtutulungang pangkalawakan ng 2 bansa, lumalalim

2018-12-07 16:09:37 CRI

Alas 12:12 ngayong tanghali, inilunsad ng Tsina ang dalawang satellite ng Saudi Arabia, sa pamamagitan ng Long March-2D rocket, sa Jiuquan Satellite Launch Center sa dakong timog-kanluran ng bansa. Pumasok na sa orbita ang dalawang satellite.

Ang dalawang satellite na kilala bilang SaudiSat 5A at SaudiSat 5B ay sarilinang ginawa ng King Abdulaziz City for Science and Technology (KACST) ng Saudi Arabia. Layon ng mga itong obserbahan ang mundo at kumuha ng mga larawan.

Bagong bunga ito sa pagtutulungang pangkalawalan ng Tsina't Saudi Arabia.

Nitong nagdaang Mayo 21, kasama ng Chang'e-4 relay satellite na inilunsad ng Tsina para sa lunar probe, isang optical camera na idinebelop ng KACST ang nakainstala sa isang micro satellite na Longjiang-2 ng Tsina. Nitong nagdaang Hunyo, magkasamang inilabas ng dalawang bansa ang tatlong larawan ng buwan na kinuha sa kanilang nabanggit na pagtutulungan.

Salin: Jade
Pulido: Mac

Balita:
Tsina ASEAN Daigdig Litrato
Ugnayang Pinoy:
Beijing Shanghai Guangzhou Tianjin Shenyang Shijiazhuang Tips Community Billboard
Tsina sa Aming Mata:
Sine Tsino Pop China Gabi ng Musika Cooking Show Tsina mula sa Likod ng Aking Kamera MaArte Ako
Usap-usapan Ngayon sa Tsina Pag-usapan Natin
Pag-aaral ng Wikang Tsino:
Pag-aaral ng Wikang Tsino