Tsina, ititigil ang pagpapataw ng karagdagang taripa sa mga sasakyang-de-motor ng Amerika

2018-12-15 18:51:08 CRI

Ipinatalastas nitong Biyernes, Disyembre 14 ng Ministri ng Pinansya ng Tsina na sususpendihin ng bansa ang karagdagang taripa sa mga sasakyang-de-motor at mga piyesa ng Estados Unidos sa susunod na tatlong buwan.

Ayon sa pahayag na ipinalabas ng nasabing ministring Tsino sa website nito, mula Enero 1 hanggang Marso 31, 2019, ititigil ng Tsina ang 25% taripa sa 144 na behikulo at piyesa, at ang 5% taripa sa 76 auto items.

Ito anito bilang pagpapatupad sa napagkasunduan nina Pangulong Xi Jinping ng Tsina at Pangulong Donald Trump ng Amerika sa working dinner pagkaraan ng G20 Summit sa Argentina, nitong Disyembre 1, local time. Sumang-ayon ang dalawang pangulo na sa loob ng darating na 90 araw kanselahin ang lahat ng mga karagdagang ipinataw na taripa sa isa't isa.

Salin: Jade
Pulido: Mac

Balita:
Tsina ASEAN Daigdig Litrato
Ugnayang Pinoy:
Beijing Shanghai Guangzhou Tianjin Shenyang Shijiazhuang Tips Community Billboard
Tsina sa Aming Mata:
Sine Tsino Pop China Gabi ng Musika Cooking Show Tsina mula sa Likod ng Aking Kamera MaArte Ako
Usap-usapan Ngayon sa Tsina Pag-usapan Natin
Pag-aaral ng Wikang Tsino:
Pag-aaral ng Wikang Tsino