Kim, nagpadala ng liham kay Moon: Blue House

2018-12-31 16:40:29 CRI

Isang liham ang ipinadala nitong Linggo, Disyembre 30, ni Kim Jong Un, Kataas-taasang Lider ng Hilagang Korea (DPRK) kay Pangulong Moon Jae-in ng Timog Korea (ROK).

Ito ang ipinatalastas ng Blue House, palasyong pampanguluhan ng Timog Korea.

Sa liham, ipinahayag ni Kim ang kahandaang madalas na makipagtagpo kay Moon sa taong 2019 para mapasulong ang mga talastasang pangkapayapaan at pangkasaganaan ng Korean Peninsula at magkasamang malutas ang denuclearization ng peninsula.

Sinabi rin Kim na sa tatlong pagtatagpo nila ni Moon sa kasalukuyang taon, nagsagawa sila ng mga substantibo at matapang na habangin at bunga nito, naibsan ng mga mamamayan ang tensyong military at takot sa digmaan.

Ipinahayag din ng katas-taasang lider ng Hilagang Korea ang marubdob na mithiing makadalaw sa Timog Korea sa hinaharap.

Salin: Jade

Balita:
Tsina ASEAN Daigdig Litrato
Ugnayang Pinoy:
Beijing Shanghai Guangzhou Tianjin Shenyang Shijiazhuang Tips Community Billboard
Tsina sa Aming Mata:
Sine Tsino Pop China Gabi ng Musika Cooking Show Tsina mula sa Likod ng Aking Kamera MaArte Ako
Usap-usapan Ngayon sa Tsina Pag-usapan Natin
Pag-aaral ng Wikang Tsino:
Pag-aaral ng Wikang Tsino