Pag-uusap ng Hilagang Korea at Amerika sa Sweden, natapos

2019-01-23 14:02:05 CRI

Ipinahayag Martes, Enero 22, 2019 ni Margot Wallström, Ministrong Panlabas ng Sweden, na natapos Lunes, Enero 21, ang pag-uusap sa pagitan ng mga kinatawan ng Hilagang Korea at Estados Unidos. Aniya, mainam at bukas ang atmospera ng nasabing pag-uusap.

Layon ng naturang pag-uusap na pasulungin ang pagtatatag ng iba't ibang kalahok na panig ng mas mahigpit na pag-uugnayan, at ang nilalaman ng pag-uusap ay may kinalaman sa nuclear disarmament, pag-unlad ng kabuhayan, mga suliranin ng seguridad na panrehiyon at iba pa. Sa hinaharap, idaraos ng Sweden ang mas marami pang ganitong pag-uusap, at isasa-alang-alang ang pagtataguyod ng summit tungkol sa isyu ng Hilagang Korea.

Salin: Vera

Balita:
Tsina ASEAN Daigdig Litrato
Ugnayang Pinoy:
Beijing Shanghai Guangzhou Tianjin Shenyang Shijiazhuang Tips Community Billboard
Tsina sa Aming Mata:
Sine Tsino Pop China Gabi ng Musika Cooking Show Tsina mula sa Likod ng Aking Kamera MaArte Ako
Usap-usapan Ngayon sa Tsina Pag-usapan Natin
Pag-aaral ng Wikang Tsino:
Pag-aaral ng Wikang Tsino