Alemanya at Pransya, nanawagang panatilihin ang diyalogo para sa INF Treaty

2019-02-03 12:07:35 CRI

Makaraang ideklara nitong Biyernes, Pebrero 1, 2019, ng pamahalaang Amerikano ang pagsisimula ng proseso ng pagtalikod ng Intermediate-Range Nuclear Forces (INF) Treaty, magkasunod na nanawagan ang pamahalaang Pranses at Aleman na panatilihin ang diyalogo para mapangalagaan ang kasunduang ito.

Nagpahayag ang Pransya ng kalungkutan sa pagtalikod ng Amerika sa INF Treaty. Nanawagan ito sa Europa at mga kaukulang panig na pangalagaan ang umiiral na arms control treaty.

Pagkatapos ng pagtalikod ng Amerika ng INF Treaty, ang Strategic Arms Reduction Treaty (START) ay magsisilbing tanging arms control treaty sa pagitan ng Amerika at Rusya.

Ipinahayag ni Chancellor Angela Merkel ng Alemanya, sa loob ng darating na anim na buwan, patuloy na makikipagdiyalogo ang kanyang bansa sa Rusya tungkol sa INF Treaty. Sinabi niya na dapat panatilihin ang pagbubukas ng pinto ng talastasan.

Samantala, sa isang pahayag na inilabas nitong Biyernes ng North Atlantic Treaty Organization (NATO), nagpahayag ito ng ganap na pagkatig sa pagtalikod ng Amerika sa INF Treaty.

Salin: Li Feng

Balita:
Tsina ASEAN Daigdig Litrato
Ugnayang Pinoy:
Beijing Shanghai Guangzhou Tianjin Shenyang Shijiazhuang Tips Community Billboard
Tsina sa Aming Mata:
Sine Tsino Pop China Gabi ng Musika Cooking Show Tsina mula sa Likod ng Aking Kamera MaArte Ako
Usap-usapan Ngayon sa Tsina Pag-usapan Natin
Pag-aaral ng Wikang Tsino:
Pag-aaral ng Wikang Tsino