Tsina, walang-humpay na suportado ang denuklearisasyon sa Korean Peninsula

2019-03-15 20:53:08 CRI

Ipinahayag ngayong araw ni Premyer Li Keqiang ng Tsina ang pananangan at walang humpay na pagsuporta sa denuklearisasyon sa Korean Peninsula. Aniya, ang maayos na paglutas sa nasabing isyu ay hindi lamang makakabuti sa Hilaga at Timog Korea, kundi makakabuti rin sa rehiyon at buong daigdig.

Inulit ni Premyer Li ang naturang paninindigan sa kanyang pagharap sa mga mamamahayag na Tsino't dayunan, pagkaraan ng pagpipinid ng 10 araw na pambansang taunang sesyong lehislatibo.

Dagdag pa ni Li, pagkaraan ng Hanoi Summit, kapuwa ipinahayag ng Amerika at Hilagang Korea (DPRK) ang kahandaan na ituloy ang pag-uugnayan. Umaasa aniya ang Tsina na masasamantala ng iba't ibang panig ang kasalukuyang mainam na pagkakataon para patuloy na pasulungin ang diyalogo, lalo na ang diyalogo sa pagitan ng Amerika at Hilagang Korea para matamo ang resulta na hinahangad ng lahat.

Salin: Jade
Pulido: Mac


Balita:
Tsina ASEAN Daigdig Litrato
Ugnayang Pinoy:
Beijing Shanghai Guangzhou Tianjin Shenyang Shijiazhuang Tips Community Billboard
Tsina sa Aming Mata:
Sine Tsino Pop China Gabi ng Musika Cooking Show Tsina mula sa Likod ng Aking Kamera MaArte Ako
Usap-usapan Ngayon sa Tsina Pag-usapan Natin
Pag-aaral ng Wikang Tsino:
Pag-aaral ng Wikang Tsino