3.3% para sa 2019, taya ng IMF sa paglaki ng pandaigdig na kabuhayan

2019-04-10 16:44:28 CRI

Ayon sa ulat na inilabas nitong Martes, Abril 9, ng International Monetary Fund (IMF), tinatayang aabot sa 3.3% ang paglaki ng pandaigdig na kabuhayan. Ito ay mas mababa ng 0.2% kumpara sa pagtaya ng IMF nitong nagdaang Enero.

Ayon sa naturang pagtaya, sa 2019 at 2020, aabot sa 1.8% at 1.7% ayon sa pagkakasunod ang paglaki ng mga maunlad na ekonomiya. Samantala, aabot naman sa 4.4% at 4.8%, sa 2019 at 2020, ang pagtaas ng kabuhayan ng mga bagong-sibol na pamilihan at umuunlad na bansa.

Anang ulat, dahil sa mahigpit na pandaigdig na kalakalan at kapaligirang pinansyal, at mga di-matatag na patakaran, nagsimula nang bumaba ang pag-unlad ng pandaigdig na kabuhayan noong huling dako ng 2018. Pero, dagdag ng ulat, inaasahang bubuti ang kalagayan sa huling dako ng taong ito, at sa 2020, babalik sa lebel na 3.6% ang paglaki ng kabuhayan ng daigdig.

Salin: Jade
Pulido: Rhio

Balita:
Tsina ASEAN Daigdig Litrato
Ugnayang Pinoy:
Beijing Shanghai Guangzhou Tianjin Shenyang Shijiazhuang Tips Community Billboard
Tsina sa Aming Mata:
Sine Tsino Pop China Gabi ng Musika Cooking Show Tsina mula sa Likod ng Aking Kamera MaArte Ako
Usap-usapan Ngayon sa Tsina Pag-usapan Natin
Pag-aaral ng Wikang Tsino:
Pag-aaral ng Wikang Tsino